INATISHA NA KUUZUNISHA!!! WATANO WAUWAWA MKOANI MBEYA

Friday, May 3, 2013

WATU WATANO WANAOSADIKIWA KUWA NI MAJAMBAZI WAUWAWA NA POLISI MKOANI MBEYA

Ni kweli na hakika Neno la Mungu linasema mshahara wa dhambi ni mauti!! kwanini utafute pesa au mafanikio kwa njia ambayo sio halali? kwanini usitumie njia halali na nzuri ili hata baada ya kufanikiwa uwe na amani na yale mafanikio uliyoyapata? hawa ndugu zetu walikwenda kutafuta pesa na mafanikio kwa njia ambazo sio nzuri kwa jamii na hata mbele za Mungu, yaliyowapata ni mabaya sana!! wamekutana na polisi na hatimaye kupoteza maisha yao, na la kuumiza zaidi waliofikwa na hayo bado ni vijana, kiasi kwamba wangeweza kufanya kazi wakafanikiwa, wanamaeneo mazuri ya mashamba, wangeyatumia leo wasingefikwa na yote haya! fuatana nami sasa uangalia tukio lililotoke kwa kutazama habari picha

Baadhi ya wananchi wakitoka kutambua miili ya wanaodhaniwa kuwa ni majambazi

Tunaomba radhi kwa kuonyesha picha hizi kwani mpaka sasa maiti hizi hazijatambulika

Kamanda diwani akiwaonyesha moja ya jambazi lililokuwa limeshika siraha

Hii ndiyo Gari iliyotumiwa na majambazi hayo

Siraha walizokuwa wanatumia majambazi hayo

Kamanda wa Polisi Mkoa wa Mbeya Diwani Athumani amewaambia Wandishi wa Habari Ofisini kwake kuwa Tukio hilo limetokea leo majira ya Sita Mchana katika kijiji cha Garijembe Wilaya ya Mbeya katika Barabara ya Mbeya Tukuyu.

Mtandao wa majambazi, unazidi kusambalatishwa nchini, hasa katika mkoa wa Mbeya, hii ni baada ya kuuwawa watu watano wanaodhaniwa kuwa ni majambazi katika mashambulizi ya majibizano kati ya hao waliouwawa na askali wa jeshi la polisi mkoani Mbeya. Kamanda wa polisi mkoani Mbeya amewaambia waandishi wa habari alipokuwa akizungumza nao ofisini kwake kuwa, tukio ilo limetokea majira ya saa sita mchana katika kijiji cha Garijembe mkoani Mbeya kwenye barabara ya Mbeya Tukuyu. Kamanda wa mkoa Diwani Athumani, alisema jeshi la polisi lilipata taarifa kutoka kwa kitengo chake cha upelelezi, ndipo wakaweka mitendo ilifanikisha kuwanasa majambazi hao wakiwa ndani ya gari yao yenye namba za usajili T 911 BUG aina ya Toyota spacio.

Askali walipoiona gari hiyo waliyokuwa wanaishuku, ndipo walipochukua hatua ya kuisimamisha gari hiyo, matokeo yake, wale majambazi walianza kurusha risasi ovyo ovyo kujaribu kuwazuia na kuwashambulia askali wa jeshi la polisi, ndipo askali nao walipoanza kujibu mapigano hayo, na matokeo ni kwamba, majambazi wote walijeruhiwa na wakakamatwa na kukimbizwa katika hospitari ya rufaa mbeya, kufika hospitali, daktari akithibitisha kuwa tayari wamekwisha kufa.

Kamanda Diwani Athumani aliongeza kwa kusema kuwa, baada ya upekuzi uliofanyika, walibaini bunduki mbili, moja ni smg yenye namba 848628 iliyobaki na risasi 16 baada ya risasi nyingine kutumika na majambazi hao katika majibizano na polisi, na nyingine ni Mark III yenye namba iliyokuwa na risasi mbili na koa la shaba

Kamanda Diwani Athumani aliongeza na kusema, majina ya majambazi hao hayakuweza kufahamika mpaka wakati anaongea na wanahabari, lakini akatoa wito kwa wananchi kwenda katika hospitali ya mkoa wa Mbeya kwa lengo la kutambua miili ya marehemu hao, ili wakabidhiwe kwaajili ya taratibu za mazishi, kamanda akamalizia kwa kuwaomba wananchi kutoa taarifa za mienendo ya watu isiyo ya kawaida au wanaotiliwa mashaka, toeni taarifa katika mamlaka husika na kwa wakati.

Sauti ya kanisa, imesikitiswa na tukio ilo, kwa kuwa wote waliouwawa ni vijana na walikuwa na uwezo wa kufanya kazi halali na kupata mahitaji yao muhimu, lakini ikumbukwe pia kwamba, hao walio kufa, kuna usemi usemao, wametangulia mbele ya haki, je ni haki ipi wataipata mbele za Mwenyezi Mungu ikiwa mauti imewakuta katika tukio la wizi? Jibu nakuachia mwenyewe mpendwa msomaji.