HARAMBEE YA UJENZI WA KANISA LA T.A.G TANZANIA ASSEMBLIES OF GOD TABATA YAFANYIKA JUMAPILI

 Picha hii ndiyo ya sura ya kanisa kwasasa wakati ujenzi ukiendelea

Kwa hakika hizi ni habari njema, kwamba kumbe watanzania wanaweza kufanya mambo makubwa ya maendeleo pasipo kutegemea misaada kutoka nje ya nchi, ukweli huu unathibitika waziwazi kwa waumini na washirika wa kanisa la Tanzania Assemblies Of God tawi la Tabata lililoko jijini Dar es salaam,

Jumapili hii, kulifanya harambee ya ujenzi wa kanisa TAG tawi la Tabata, Mchungaji kiongozi Rony Swai wa kanisa ilo alianza ibada hiyo ya changizo kwaajili ya ujenzi kwa kusoma Neno la Mungu kutoka katika kitabu cha 1Nyakati 22:1-5, akifanunua maneno hayo ya Mungu, alisema Tunamjengea Mungu wetu nyumba nzuri na yenye utukufu wake hapa Tabata, na kwakuwa tunamheshimu ndio maana tunajenga kanisa zuri ambalo litakuwa na kila huduma muhimu wakati wa ibada kama vile (AC) kiyoyozi, kwa ramani na mwonekano katika picha kanisa letu litakuwa na uwezo wa kuketisha watu elfu moja kwa wakati mmoja, hapa jijini na Tanzania, yapo makanisa yenye uwezo wa kuketisha watu wengi kuliko idadi hii niliyoitaja, lakini tofauti yetu na hayo makanisa ni ule ubora na uzuri wa jingo, kanisa letu litakuwa zuri kuliko makanisa mengine yote hapa Tanzania, kwasababu tumependa kumheshimu Mungu kwa njia hii pia. Kanisa la mahali hapa, litaleta matumaini katika Taifa la Tanzania na nje ya nchi

Ujenzi wa kanisa ilo kulingana na maelezo ya Mchungaji Rony Swai, ulianza tarehe 28.6.2012 na itakapofika mwezi wa saba 2013 kazi ya ujenzi itakuwa imekamilika kwa asilimia kubwa alisema mchungaji Swai

Kwa wale wakazi wa maeneo Tabata na wanao pita maeneo hayo, kasi na ubora wa ujenzi wa kanisa ilo imekuwa ni gumzo miongoni mwa watu wengi, wengi wanashangazwa na ushilikiano wa waumini hao na moyo wao wa kimaendeleo kwaajili ya ujenzi huo

Ni vema wananchi wote wa Tanzania katika maeneo yetu au makazi yetu, tujaribu kuiga umoja na kama wanao uonyesha ndugu zetu wa TAG Tabata, kama kuna tatizo la ubovu wa miundo mbinu ya barabara mtaani kwetu, tushilikiane kukarabati barabara hiyo, kama kuna tatizo la uchakavu wa majengo ya shule katika maeneo yetu iwe ni vyoo au madarasa, na kukarabati, wakati mwingine tunaposema Serikali itafanya ni kama kujichelewesha wenyewe katika maendeleo yetu, hakuna asiye elewa kuwa bado pato letu kama Taifa bado ni dogo, kwahiyo pale tunapo weza kutumia rasilimali ya umoja ni nguvu, ni bora kufanya hivyo. Kwa hakika kumbe inawezekana kufanikisha hata ujenzi wa zahanati katika kijiji chetu pasipo nguvu ya fedha kutoka serikalini, kwani hawa TAG tabata wao wamepata msaada serikalini, jibu ni la, ni umoja wao na moyo wao wa uzalendo kwaajili ya kanisa lao

Sauti ya kanisa inachukua nafasi hii kumwomba mtu yeyote kuwaombea ndugu zetu hao wa Tabata TAG, ili wafanikishe ujenzi wa kanisa lao, lakini pia ni vema kwa yeyote anayependa, tuwatie moyo kwa kuwasaidia katika kile wanacho kifanya, kama utapenda, basi fika kanisani hapo siku yoyote na utawakuta wahusika wakiendelea na ujenzi. namba ya simu ya kanisa ni 0784520968

Hii ndivyo itakavyo kuwa mara baada ya ujenzi wa kanisa la TAG Tabata, kwahakika inapendeza sana, na inaonyesha kwamba watanzania twaweza, mimi nikutakie siku njema na kila la heri kwa yote mema uyafanyayo kwa kusema, MOYO WA KUJITOLEA NA UZALENDO ULETA MAENDELEO KWAKO NA KWA WENGINE