WATU TISA WAMEKAMATWA KWA KUHUSIKA NA KITENDO CHA KUMKATA ALBINO MKONO

 Dunia imekuwa na matukio mengi ya kushangaza na kutisha, mengine ni vigumu kuingia akilini, mengine yanashangaza pale unapotumia macho yako kutazama na masikio kusikia!! mpendwa msomai wa sauti ya kanisa, ilivyo nikwamba, wale wanao jihusisha na ukatili wa kuwakata binadamu wenzao viungo, na hasa albino, wanaamini kwamba, kwakufanya hivyo watapata utairi, mmmmh jamani uo ni udanganyifu mkubwa tena ni uongo wa mchana kweupe!! kama kwa kupata viungo vya albino mtu anapata utajiri, basi maalbino wangekuwa matajiri wakubwa kwakuwa wao si tu kwamba wanamkono, bali wanaviungo vingi.
Hali hii ya udanganyifi ndiyo iliyowapata watu tisa mkoani Sumbawanga, Shime IGP Saidi Mwema, washughulikieni wote wa jinsi hiyo na uwafikishe kwenye mikono ya sheria, na hukumu isiwe na huruma kwake yeye asiye ona huruma kwa wanadamu wengine


Kamanda wa Polisi Mkoa wa Rukwa, Jacob Mwarwanda alisema watuhumiwa hao walikuwa wakisakwa kwa muda mrefu kutokana na mtandao mkubwa waliokuwa nao, hatimaye baadhi wamefanikiwa kukamatwa huku wengine bado wakiendelea kutafutwa.
Sumbawanga. Polisi katika Mkoa wa Rukwa likishirikiana na Polisi wa Tabora pamoja na kikosi kazi maalumu cha kitaifa, limefanikiwa kuwatia nguvuni watu tisa waliokuwa wakisakwa kwa muda mrefu kwa tuhuma za kumkata mkono, Mwigulu Matonange(10) mlemavu wa ngozi Februari 15 mwaka huu.


Kamanda wa Polisi Mkoa wa Rukwa, Jacob Mwarwanda alisema watuhumiwa hao walikuwa wakisakwa kwa muda mrefu kutokana na mtandao mkubwa waliokuwa nao, hatimaye baadhi wamefanikiwa kukamatwa huku wengine bado wakiendelea kutafutwa.


Aliwataja watuhumiwa hao kuwa ni Weda Mashilimu(29),Nickon Kadogoo(25), Peter Msabato(32),Ignas Sungura(27),Faraja Mwezimpya (31) pamoja na Kurwa Hamis (29) wote wakiwa ni wakazi wa Kijiji ha Ilemba Rukwa.


Aliwataja watuhumiwa wengine ambao ni Hamis Mnywanywa ambaye ni mganga wa jadi na mkazi wa Karema Katavi,James Paskali(24) mkazi wa majimoto, pamoja na Ibrahimu Tella(27) mkazi wa kijiji Masanula-Usule Shinyanga.


Kamanda alisema kukamatwa kwa watuhumiwa hao kulifuatia uchunguzi wa kina uliokua unafanywa na polisi hao kupitia mawasiliano ya simu na taarifa mbalimbali za kipelelezi ambapo siku ya April 22 walifanikiwa kumnasa Nickon Kadogoo akiwa Katavi na mkono huo akiupeleka mkoani Tabora ambapo angepata soko.


Baada ya kuhojiwa mtuhumiwa huyo alidai kuwa yeye na wenzake hao waliagizwa mkono huo na mganga wa jadi aitwaye Rashid Manywanywa, ambapo aliwaahidi angemlipa kila mmoja Sh600 milioni kama wangempelekea mkono huo.
Alisema baada ya tukio la kumkata mtoto huyo mkono na kumpelekea mganga huyo alidai kuwa hana fedha zote hizo kwani wao walishindwa kutumia akili kwa kuwa hata yeye ni maskini angelipata wapi fedha zote hizo, hivyo hawezi kununua mkono huo.


Baada ya kuona soko limeshindikana ndipo walipoamua kufanya mawasiliano na watu wengine na kuhakikishiwa katika Mikoa ya Tabora na Shinyanga kuna soko la uhakika ndipo safari ya kuelekea huko ikaanza.


Kwa upande wake, mganga huyo wa jadi alikiri kuwaagiza watuhumiwa hao mkono huo na kudai kuwa alitaka kutumia kutengenezea chombo cha usafiri ambacho alidai kuwa ni ungo ambao unatumika na wachawi kusafiria nyakati za usiku.


Kamanda huyo alisema watuhumiwa wote kutoka mikoa hiyo wamekamatwa na polisi na bado upelelezi unaendelea mara baada ya kukamilika watafikishwa mahakamani wakati wowote.