ARUSHA WAFANYA KONGAMANO LA MAOMBI KWAAJILI YA TAIFA

Na Agness Mayagila, Arusha

KITUO cha Redio cha Kikristo cha Safina, kilichoko Arusha kimefanya kongamano kubwa la kumlilia Mungu dhidi ya matendo maovu yaliyofanywa zamani wakati Tanzania inazaliwa.

   

Kongamano hilo ambalo lilikuwa la kuhitimisha mfungo wa siku 40, lilifanyika katika uwanja wa Sheikh Amri Abeid, mjini Arusha.

Akihubiri katika kongamano hilo lililohudhuriwa na idadi kubwa ya watu, Meneja wa redio hiyo, Mwinjilisti Abel Msuya alisema kuwa, matatizo yanayoikabili Tanzania ni matokeo ya matendo yaliyoyotendwa zamani wakati wa kuzaliwa kwa Tanzania, na sasa yamesababisha uchumi wa nchi hii kurudi nyuma kwa kiasi kikubwa.

Msuya alisema kwamba, Tanzania inapitia katika mambo magumu kama vile umaskini, matibabu finyu na watanzania kutofaidi rasrimali za nchi yao kutokana na misingi mibovu iliyowekwa wakati Tanzania inazaliwa.

“Katika maisha ya kawaida mtu anapozaliwa kuna kitu anafanyiwa kulingana na mila za kwao,wengine wanatambikiwa sasa matendo hayo yanawaletea shida baadaye. Tujiulize Tanzania ilipozaliwa ilifanyiwa nini?”alisema Msuya.

Alibainisha kuwa, kama mtu anavyozaliwa na kufanyiwa vitu mbalimbali umefika wakati kanisa na watanzania wajiulize ni kitu gani kilichofanyika wakati nchi hii inazaliwa.

Alibainisha kwamba ili Nchi ya Tanzania iwe Nchi ambayo kila mtanzania ajivunie ni lazima ifike mahali pa kila mmoja kutamani na kuamua kuchunguza habari za kuzaliwa kwa Tanzania ili kuivunja misingi mibovu iliyowekwa na inayoendelea kuwatesa watanzania

Akinukuu katika maandiko matakatifu katika kitabu cha Mathayo 1;18  na luka 1;30 alisema habari za kuzaliwa kwa Yesu ziko wazi na kila anayezita atazipata ambapo aliwataka watanzania kutafuta habari za kuzaliwa kwa Nchi yao

Akitaja baadhi ya mambo yanayoashiria misingi yake mibovu alizitaja ndoa kwamba mara nyingi ndoa zinavunjika kwa kuwa misingi yake iliwekwa kwa mizimu,katika eneo la uchumi wa watanzania alisema kuwa watu walijilaani kuwa wao watabaki katika hali ya umaskini na kuwa kutajirika kwao ni lazima waulize mizimu na kusema kwamba elimu nayo iliwekwa chini ya mizimu na kwamba ndio maana elimu ya Tanzania imekuwa duni

Alisema kuwa maombi ya kina

Awali akifungua kongamano hilo Mkurugenzi wa Radio safina Dr Daniel Lema alisema kwamba ni lazima kanisa liamue kwa dhati kumtafuta Mungu ili aweze kuiponya Nchi kwa kuwa Mungu analiangalia kanisa ili aweze kusamehe dhambi na kuponya nchi

Wakizungumzia kongamano hilo baadhi ya waumini waliohudhuria uwanjani hapo Elinice Mollel na Joel Melau walisema kongamano hilo ni zuri kwa kuwa linawakusanya watanzania na wakristo pamoja na kumtafuta Mungu kwa pamoja ambapo waliutaka uongozi wa Safina kuendelea kuwakusanya watu pamoja ili waombe kwa pamoja na watu wamjue Mungu

Kongamano hilo lililofanyika mwishoni mwa wiki ilikuwa ni hitimisho la maombi ya kufunga na kuomba kwa mda wa siku arobaini yaliyokuwa yanalenga watu kutoka katika magereza ya kiroho  na kuvunja misingi mibovu iliyowekwa tangu asili ya Tanzania,Kongamano hilo liliandaliwa na kituo cha Radio Safina