UJUMBE WA LEO KUTOKA KANISANI KWA MCHUNGAJI MWANIBUGU; KARAMA ZA ROHO

Jumapili ya leo Neno la Mungu kutoka katika kinywa cha mtumishi wa Mungu Mchungaji Mwanibugu wa kanisa la Pentecostal Holiness mission, lilipo Manzese Ukombozi jijini Dar es salaam, Mchungaji Mwanibugu alikuwa na ujumbe unaozungumzia faida za Roho Mtakatifu ndani ya kanisa na karama tisa za Roho Mtakatifu, Mchungaji amenena kwamba, kanisa likipungukiwa na karama hizi ni raisi sana shetani akaja ndani ya kanisa na kupanda magugu, mchungaji amesema ndiyo sababu leo utakuta imani ya ukristo imeingiliwa na magugu mengi kwakuwa kanisa limekosa karama za Roho Mtakatifu kama vile karama ya kupambanua roho nk

Amesema karama za Roho Mtakatifu ni zawadi au urithi wetu kama kanisa kutoka kwa Mungu, na ndio maana Yesu alisema nawaleteeni ahadi ya Baba, kwahiyo ili mtu awe safi mbele za Mungu, cha kwanza ni kupatana na Mungu kwa kutubu dhambi na baada ya hapo anapokea kipawa cha Roho Mtakatifu, kitakuwa juu yako kama utaelewa kuwa ni urithi wako na ahadi ya Mungu kwetu

Na ndiyo maana Roho Mtakatifu anatajwa tangu kitabu cha Mwanzo hadi ufunuo wa Yohona, mchungaji anasema katika ujumbe kwa kanisa leo kwamba, wakati wa Musa, Samsoni, Daudi Yoeli nk utaona Roho Mtakatifu anatajwa kutendakazi na watumishi hao wa Mungu.

huu ni ujumbe mfupi kwako unaoletwa kwako kila jumapili, tunaomba utfakali na uchukue hatua kwa kuwa lipo kusudi la Mungu kwako kupitia ujumbe huu ulioletwa na mchungaji Mwanibugu. ubarikiwe sana unapoendelea kutafakari ujumbe huu wa leo