JESHI LA POLISI LIMEFANIKIWA KUWAKAMATA MAKAHABA ZAIDI YA 50

Kwanza kabisa tunapenda kulipongeza jeshi la polisi mkoa wa Kinondoni, lakini jambo la msingi hapa kwa jeshi la polisi ni kwamba, tatizo la makahaba hao sio la mwilini, ni tabia inayoanzia rohoni, uwezi ukaikamata dhambi kwa nguvu za jeshi la aina yoyote, nadhani nguvu yao kubwa wangeielekeza kwa viongozi wa dini, kwa maana kwamba wawaimizi viongozi wa dini kufanya kazi yao kwa juhudi na bidii!!

Jeshi la polisi wilaya ya Kinondoni lawatia mbaroni machangudoa zaidi ya 51 wanajiuza usiku.

• 16 April 2013

 

Kamanda wa polisi Mkoa wa Kinondoni Charles Kenyela akizungumza na waandishi wa habari Ofisini kwake.

Kamanda wa polisi Mkoa wa Kinondoni Charles Kenyela akionyesha moja ya silaha walioyofanikiwa kuikamata katika Operesheni hiyo.

Na.Mo Blog Team

Katika operesheni za kupambana na uhalifu zinazoendelea katika mkoa wa kipolisi wa Kinondoni Jeshi la polisi likishirikiana na askari mgambo na ulinzi shirikishi kutoka manispaa ya kinondoni limefanikiwa kuwakamata jumla ya wanawake 51 wanaotuhumiwa kujihusisha na biashara ya kujiuza kimwili hadharani.

Wanawake hao wamekamatwa katika maeneo ya Msasani Mikoroshini, Mwananyamala, Kinondoni Barabara ya Tunisia, Sinza Corner Bar na maisha Club.

Akizungumza na waandishi wa habari Kamanda wa polisi Mkoa wa Kinondoni Charles Kenyela amesema wanawake hao pia hutumika kuwapora mali wanaume kwa kuwawekea madawa ya kulevya katika vinywaji, vyakula na hata katika miili yao na pia kushirikiana na wahalifu wakiwemo majambazi katika kufanya matukio ya aina mbalimbali ya kihalifu.

Wakati huohuo jeshi hilo limefanikiwa kukamata mtandao wa matapeli hatari na pia kuwakamata watuhumiwa wanne wanaosadikiwa kuwa ni majambazi wakiwa na silaha bastola na mirungi.